Русија со балистичка ракета ја нападна Одеса

Руските сили утрово го нападнаа украинскиот црноморски град Одеса со балистичка ракета, јавија локални канали на „Телеграм“. Силна експлозија одекнала во 6:06 часот по локално и по средноевропско време, откако воздушната тревога била активирана во 5:59 часот.

Локалните канали известуваат дека е погоден објект во градот.

Претходно во текот на ноќта, градоначалникот на Одеса, Генадиј Труханов, објави дека повеќе од 15 руски дронови ја нападнале Одеса.
Регионалните власти ги повикаа жителите да се засолнат во скривници. 

МИА