РТК: Вонредните избори во Косово ќе се одржат на 8 септември
Државната радио-телевизија на Косово РТК, повикувајќи се на извори во кабинетот на претседателот на државата, објави дека вонредните избори, по оставката на премиерот Рамуш Харадинај, ќе се одржат на 8 септември годинава, јави дописникот на МИА од Приштина.
Изворите тврдат дека претседателот Хашим Тачи се одлучил за споменатиот датум согласно законските и уставните рокови.
По оставката на Харадинај, кој се повлече од премиерската функција поради поканата што ја доби од Специјалниот суд за воени злосторства во Хаг, опозицијата го повика претседателот да свика состанок со лидерите на парламентарните партии со цел да се одреди датумот за вонредните избори.
Истото барање до Тачи го постави и премиерот во заминување, кој во денешното интервју за Радио Слободна Европа рече дека треба да се почитуваат законските рокови и изборите да се одржат најдоцна за два месеци од сега.
Харадинај изјави дека во текот на денешниот ден, или најдоцна утре, за неговата оставка и официјално, односно написмено, ќе ги извести претседателот на државата и претседателот на Собранието, како и партнерите од владејачката коалиција.
Ново на Сител
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот