Loading Video...
Фудбал
21. August 2019 - 15:49

Рибери ќе ја засили Фиорентина

 
Франк Рибери ја прифати понудата на италијанскиот калчо лигаш Фиорентина. 
 
По 12 сезони минати во минхенски Баерн, Французинот попладнево со приватен авион слета во Фиренца каде треба формално да го официјализира договорот во „Виолетовите“, 
 
„Разговарав минатата недела со луѓе од Фиорентина, разговарав и со Лука Тони (неговиот поранешен тимски колега во Баерн Минхен) и тој ми рече дека ова е одличен клуб и дека градот е убав. Среќен сум, бидејќи јас сакам да зборувам и на италијански“, изјави кратко по слетувањето Рибери, додавајќи дека сеуште не го говори италијанскиот јазик совршено. 
 
36-годишниот Рибери во Фиорентина доаѓа како слободен играч, а ќе се обиде со своето искуство да му помогне на тимот да се врати на старите славни патеки. 
 
Минатата сезона Фиорентина заврши на 16.место во Серија А, и се спаси од  испаѓање од елитата. 
 
Летово (во јули) пак клубот од Фиренца доби и нов сопственик, американскиот бизнисменот со кабелска телевизија Роко Комисо кој исто така е сопственик на њујоршки Космос, а кој наводно платил околу 160 милиони евра за клубот.
 
Фиорентина ја освои последната од своите две титули во Италија пред 50 години, а последен трофеј на „виолетовите“ е Купот на Италија пред 18 години.