Реконструкција на патот Фариш-Дреново, тендер за десетина дена
За десетина дена ќе се распише тендер за реконструкција на делницата Фариш-Дреново.
Директорот на Јавното претпријатие за државни патишта Зоран Китанов денеска најави дека на постоечката делница ќе се реконструираат најоштетените делови во должина од 10 километри и дека тендер треба да се распише за десетина дена.
Одговорајќи на новинарско прашање по потпишувањето на Договорот со ЕБОР за финансирање проект за изградба и инсталација на електронски систем за наплата на патарина долж Коридорот 8 и автопатот Миладиновци-Штип, за изградбата на новиот експресен пат од Градско до Прилеп, односно делницата Фариш-Дреново, појасни дека и за него ќе се бара нов изведувач, откако е раскинат договорот со шпанската компанија „Рабау“.
Средствата и за овој проект се обезбедени од ЕБОР, од каде е добиена согласност за раскинување на договорот.
Како што рече Китанов шпанската компанија побарала раскинување на договорот поради неисплатена последна фактура, што, како што вели, не е пракса никаде. Од наша страна, како што посочи, е побарано раскинување поради недоставување програма за работа, слаба реализација и напуштање на градилиштето. Тоа ќе се докажува на арбитража.
Во меѓувреме, информира тој, формиран е друг тим кој прави технички пресек за сработените 35 отсто од страна на шпанската компанија и оти има позтиивнен сигнал за останатите 65 отсто да се направи тендер кој, како што рече ќе биде со поригорозни критериуми и се очекува работата да отпочне во средината на март.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари