Реконструирана улицата „Васко Карангелевски“ во Аеродром
Заврши реализацијата на првата фаза од проектот за реконструкција на улицата „Васко Карангелевски“ во Аеродром. Увид на реконструираната улица денеска извршија градоначалникот на Град Скопје Коце Трајановски, градоначалникот на општина Аеродром Ивица Коневски и претседателот на Советот на Град Скопје Ирена Мишева.
- Во оваа фаза целосно го реконструиравме коловозот на улицата „Васко Карангелевски“, на потегот од крстосницата со булеварот „Јане Сандански“ до крстосницата со булеварот „АСНОМ“. Со овој градежен зафат во должина од 600 метри беше изгребан стариот и оштетен асфалт, беше вградена полимерна мрежа за засилување на носечкиот слој и беше нанесен нов асфалт, рече Трајановски. Додаде дека биле нивелирани 30 шахти и сливници, се извршила промена на рабниците и санација на тротоарите.
Градоначалникот Трајановски информира дека во тек се постапките и се изготвува соодветната документација и за реконструкцијата на булеварот „Февруарски поход“, на потегот од булеварот „Видое Смилевски Бато“ до булеварот „АСНОМ“.
Градоначалникот Коневски изрази благодарност за реализацијата на овој капитален проект и на многу други со кои, како што рече, уште еднаш се потврдува одличната соработка на Град Скопје и општина Аеродром. Според него, сите овие проекти се реализираат во насока на подобрување на квалитетот на живот на жителите на Аеродром.
На терен работеле екипите на градежната компанија „Пелагонија“ од Гостивар, а за овој градежен зафат Град Скопје вложи 7,8 милиони денари.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка