Расте бројот на новозаразени во Дебар, денеска нови шест случаи
Расте бројот на новозаразени со Ковид-19 во Дебар, каде во последното деноноќие се регистрирани нови шест случаи, со што бројката на заразени само во изминатите осум дена од овој месец се искачи на 21 лице.
Од почетокот на пандемијата, на крајот од месец февруари, досега, во Дебар, заедно со општина Центар Жупа, кои со својата активност ги покрива Работната единица на Центарот за јавно здравје, регистрани се 216 заразени со вирусот.
Од вкупната бројка, пак, во првата фаза се 51, додека остантите 165 се од втората фаза, односно од петти јуни, кога болеста повторно се врати на ова подрачје.
Битката со вирусот ја добиле 84 лица, починаа седум, четири лица од Дебар и три од Центар Жупа, додека активни на болеста се 125 лица, од кои десеттина се хоспитализирани во здравствени установи во Скопје.
-Како што и предупредивме ете новозаразени имаме речиси секојдневно, зашто и понатаму целосно не се почитуваат препораките за заштита. Апелот и понатаму останува за строго почитување на препораките. Не бараме многу од граѓаните и деловните субјекти, само поголема будност и строго почитување на мерките и протоколите, со што се заштитуваат себеси, најблиските, соседите, пријателите, порачуваат од општинскиот Оперативен штаб.
Според статистичките податоци на дебарското одделение за внатрешни работи, пак, во изминатото деноноќие на пет лица им се издадени прекршочни платни налози за неносење заштитна маска.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово