Рамуш Харадинај доби албански пасош
Косовскиот премиер Рамуш Харадинај доби албански пасош по итна постапка, откако деновиве не му беше издадена амерканска виза.
Како што јави дописникот на МИА, пасошот најверојатно ќе биде предаден денеска во Тирана, каде допатува во ненајавена посета и веќе оствари средба со шефот на албанската држва Илир Мета.
Издавањето албански пасош на Харадинај доаѓа во време кога Мета и косовскиот претседател Хашим Тачи имаа полемики околу влијанието на давањето пасоши на Албанија на жители на Косово и нивно користење за патување во земјите од Шенген зоната.
Албанскиот претседател оцени дека тоа може негативно да влијае на албанските државјани.
Инаку, Харадинај и неговата сопруга Анита станаа албански државјани на 24 април 2017 година, со указ потпишан од тогашниот претседател на Албанија, Бујар Нишани.
- На нивно барање им беше дадено албанско државјанство на Рамуш Харадинај и Анита Харадинај, стои на указот објавен на веб сајтот на претседателот на Албанија.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња