Путин на кинескиот колега му го честиташе роденденот: Си од рускиот претседател доби сладок подарок

Претседателот на Русија Владимир Путин му посака среќен роденден на кинескиот претседател и во таа прилика му подари сладолед, изјави портпаролот на Кремљ Дмитриј Песков.

„Претседателот Путин ја пофали улогата на Си Џинпинг во билатералните односи и укажа на неговата неодамнешна успешна посета на Русија“, изјави Песков, пренесува Тасс.

Си му се заблагодарил на Путин, со кој се најде на економскиот форум во престолнината на Таџикистан Душанбе, и му пораче дека е многу популарен во Кина.

Пред неколку години, кинески бизнисмени кои учествуваат на тој форум му рекоа на Путин дека Кинезите многу го сакаат рускиот сладолед, наведува агенцијата.

Кинескиот претседтел денеска полни 66 години.