Свет
28. November 2018 - 13:46

Путин конечно се огласи за конфликтот со Украина кај Керч

Рускиот претседател Владимир Путин инцидентот во Керчкиот теснец го нарече провокација од Киев, а можеби и лично од украинскиот претседател Петро Порошенко, во пресрет на претседателските избори во Украина.

“Порошенко, поради нискиот рејтинг, мора да создава пречки за опозициските ривали”, рече Путин, според кого рејтингот на актуелниот шеф на Украина е на петтото место и има шанси да не влезе ниту во вториот круг.

“Инцидентот има знаци на претходно подготвена провокација за да се воведе воена состојба во Украина”, оценува Путин.

„Дури и по влезот на Крим во состав на Русија и за време на конфликтот во Донбас, во земјата не беше воведена воена состојба, а тука се работи за мал инцидент”, додава Путин.