Претставата „Од Цирих со љубов!!!“ на 13. „Танц фест“
Претставата „Од Цирих со љубов!!!“ на Универзитетот за убави уметности од Цирих, Швајцарија, вечер ќе биде изведена во Македонскиот народен театар во рамки на 13. фестивал на современ танц „Танц фест 2017“.
Ова е прво поголемо гостување на танцова компанија од Швајцарија на „Танц фест“. Публиката ќе може да види 18 танчери во четири различни дела од врвни кореографи: Рено Вајсер, Емануел Соави и Барак Маршал, поранешен кореограф во престижната „Батшева“ танцова компанија од Израел.
Скопската публика ќе ја погледне кореографијата на Адријана Данчевска од Скопје танцовиот театар, која во февруари годинава беше гостин-кореограф во компанијата и го создаде делото „Погрешно“ со осум танчерки на сцена, на музика на групата Верка.
Првата короеграфија „Еnsemble/Аssemble“ на Рено Вајсер е физичко истражување на идејата за поврзување. Кореографијата „Погрешно“ на Данчевска е истражување на женската психа и границите во кои таа се движи, како и излегувањето надвор од нив. Третиот дел на Емануел Соави „Mouse Chapter“ е дело што ги заматува границите меѓу пет идентитети кои се поврзани едни со други меѓу намерни движења и рефлексите на нивните тела.
Последното кореографско дело „The Castaways“ првично е направено за познатата Рамбер компанија од Лондон во октомври 2013 година на сцената на исклучителниот театар Садлерс Велс. Делото проследува патување на дванаесет луѓе чии души се заробени во ничија земја - пеколот произлезен од нивниот начин на живот.
Меѓу овие кореографии публиката ќе го види и танцовиот филм „Крварење на срцето“ на Нунзио Импелиери.
Ново на Сител
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ