Свет
30. March 2018 - 22:30

Претседателот на МОК во Пјонгјанг на средба со Ким Џонг-ун

Претседател на Меѓународниот Олимписки Комитет Томас Бах се состана со севернокорејскиот лидер Ким Џонг-ун во Пјонгјанг. 

Бах изјави дека со Ким имал полчасовен формален состанок, по што  неформално разговарале 45 минути додека гледале фудбалски натпревар денеска попладне на стадионот Мај Деј во Пјонгјанг.

Тој му рекол на Ким дека го поддржува планот за учество на севернокорејските спортисти на Летната олимпијада во Токио 2020 година и Зимските олимписки игри во 2020 во Пекинг. 

Бах пристигна во Пјонгјанг вчера за да разговара за развојот на спортот во Северна Кореја и за припремите на нејзините спортисти за квалификациите и учество на претстојната Олимпијада. 

Тој е првиот странски официјален претставник кој се состанал со Ким откако севернокорејскиот лидер се врати од посетата на Пекинг, каде што разговараше со кинескиот претседател Си Џинпинг.