Премиерот Заев со владината администрација во еко-акција
Секој човек има право на здрава животна средина, но истовремено и секој е должен да ги унапредува и штити животната средина и природата во својата локална заедница, порача денеска премиерот Зоран Заев од ОУ „Панајот Гиновски“ во Бутел каде со владината администрација учествуваше во акцијата ,,Администрацијата чисти со Не биди ѓубре”.
-Доследно почитување и практикување на овие принципи претставува услов за подобро здравје, поквалитетен и подолг живот на граѓаните. Се надеваме дека на овој начин ќе влијаеме и на свеста на граѓаните и севкупно врз граѓаните за да успееме да ги сочуваме локциите откако ќе заврши оваа акција, рече Заев.
Премиерот информираше за активностите на Владата кои се во насока на заштита на животната средина, посочувајќи дека за првпат се издвојуваат посебни буџетски средства исклучиво за намалување на аерозагадувањето. Во рамки на тој буџет во тек е спроведување на според него најголемата поединечна инвестиција во историјата на земјата за грижа за животната средина со издвојување на 10 милиони евра за инвертер климите кои ќе ги заменат печките на дрва и нафта во 10 илјади домаќинства во Скопје, Тетово, Битола и Куманово.
Заев потсети и на субвенциите што ги доделува Градот Скопје на домаќинствата и другите субјекти за чистење на оџац, како и за набавката на 562 прочистувачи на воздух во училиштата.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор