Пожарот во Атика не може да се стави под контрола
Пожарот во источна Атика се уште не е под контрола, а се очекува ситуацијата денеска да се влоши поради силните ветрови кои се најавуваат во регионот.
Огнот ги зафати населените места Каламос, Варнавас и Капандрити чии жители се евакуирани, како и деца од летен камп во близина. Досега изгореле десетици илјади декари шума и повеќе куќи.
Грчката противпожарна служба соопшти дека во текот на ноќта главната битка со огнот се водела во Метохи и Микрохори, додека фронтовите во Граматико и Варнавас се вон контрола.
Во текот на изминатата ноќ се разгорел и пожарот кон Капандрити кој и денеска се гаси со сите расположиви средства.
Од рано изутринава големата огнена стихија се гаси и од воздух, со четири хеликоптери, и од земја, а во текот на денот ќе има попрецизини податоци кон каде ќе се движи пожарот, но прогнозите не се добри затоа што се најавуваат силни ветрови, додека прогнозата за опасност од пожари за денеска гласи „со голем ризик“.
Локалната полиција во текот на ноќта забрани и сообраќај во областа на речиси сите регионални патишта.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар