Повторно запалени возила во Атина во текот на ноќта
Во неколку одвоени случаи, во различни населби во Атина, непознати лица во текот на ноќта запалиле осум паркирани возила, а подметнале пожар и на банкомат, јави дописничката на МИА од Атина.
Инцидентите, според грчката новинска агенција АНА-МПА се случиле во периодот по полноќ до 5.30 часот утрово.
Во еден од случаите, возилото изгорело комплетно и зафатило други два паркирани автомобили на кои била нанесена материјална штета. Во друг случај повторно било запалено возило, во друга атинска населба.
Пожар бил подметнат и на четири возила во сопственост на компанија за телекомуникации, а неколку часа подоцна, огнени јазици зафатиле два паркирани камиони.
Околу 3 часот по полноќ, пожар бил подметнат и на еден банкомат.
Ова е втора ноќ по ред, со идентични инциденти во грчката престолнина со опожарување возила и банкомати.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација