Поведена постапка за разбојништвото кај сендвичарата „Вили“
Основното јавно обвинителство Скопје поведе постапка против лицето кое завчера изврши разбојништво во центарот на Скопје кај сендвичарата „Вили“.
Осомничениот, со употреба на сила и закана со пиштол нападна две лица, вработени во угостителскиот објект. Откако дошол во задниот дел на сендвичарата, се доближил до вработените и им се заканил со пиштол, барајќи да му ги дадат парите од платниот промет. Една од оштетените успеала да влезе и да се заклучи во сендвичарата, по што осомничениот продолжил да се заканува на втората оштетена и ги одзел паричните средства кои во тој момент ги имала кај себе. Откако не успеал да ја отвори вратата на сендвичарата, се оддалечил, испукал еден проектил од пиштолот и избегал.
Со дејствата што ги сторил, осомничениот извршил кривичното дело „разбојништво“ за кое надлежен јавен обвинител од Основното јавно обвинителство Скопје донесе Наредба за спроведување истражна постапка. Едновремено, обвинителството до Основниот кривичен суд Скопје достави и предлог за притвор, ценејќи дека постојат околности што укажуваат на опасност од бегство, околности кои што укажуваат дека осомничениот ќе ја попречува кривичната постапка со влијание врз сведоците, како и дека постои страв дека ќе го повтори кривичното дело.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање