Потпишан Меморандум за соработа меѓу македонската и косовската комора на извршители
Претседателот на Комората на извршители на Македонија Зоран Петрески и претседателката на Комората на приватни извршители на Косово Емине Шерифи-Љубеничи, денеска во Скопје потпишаа Меморандум за соработка.
- Како Комора можеме да и дадеме поддршка на Комората на приватни извршители на Косово како со искуството, така и со одредени предлог-решенија кои функционираат во Македонија, а да бидеме и нивна поддршка во воспоставувањето односи со Светската комора на извршители и со останатите земји од соседството, рече Петрески.
Со потпишувањето на денешниот Меморандум за соработка, Комората на извршители на Македонија, како што рече Петрески, го заокружува процесот на воспоставување соработка со коморите од соседството. - Досега имаме одлична соработка со коморите на извршители на Србија, на Бугарија и на Албанија, а од сега соработката се проширува и со Косово, додаде тој.
За жал, како што истакна Петрески, се уште односите со Комората на извршители на Грција не се најдобро формализирани. - Иако коморите на извршители на Македонија и на Грција имаат првични контакти уште пред неколку години, поради познатите политички причини за жал таа соработка не е официјализирана и не е на ниво како со останатите комори, додаде тој.
Имајќи предвид дека извршувањето во Македонија е започнато многу поодамна, Шерифи-Љубеничи рече дека потпишувањето на Меморандумот ќе биде добредојден за унапредување на новиот систем на приватни извршители на Косово.
- Еден од предизвиците е меѓуграничното извршување или соработката во реализацијата на барањата на доверителите кон должниците со седиште или престојувалиште во Македонија или во Косово која, како што рече таа, останува да се уредува од највисоките државни институции.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ