Фудбал
8. јуни 2016 - 11:27

Почина фудбалската легенда

Поранешниот репрезентативец и селектор на фудбалската репрезентација на Нигерија, Стивен Кеши почина минатата ноќ на 54-годишна возраст од срцев удар.

Тој беше еден од најдобрите играчи во историјата на оваа африканска репрезентација и е единствениот кој како играч и селектор го освоил Африканскиот куп на нации.

Со репрезентацијата на Нигерија успеа да избори пласман во вториот круг на Светското првенство во Бразил во 2014 година.

Во својата играчка кариера најголем впечаток остави додека беше член на Андерлехт, а настапувал и во клубови од Франција, САД и Малезија. За репрезентацијата на Нигерија одиграл 64 натпревари и постигнал девет гола.