По масовната вакцинација, Израел укинува дел од рестриктивните мерки
Фризерските салони повторно се отворени, клиентите се враќаат во продавниците кои досега беа затворени, а граѓаните може да се движат повеќе од еден километар од своите домови. Израел денеска почна постепено да излегува од третото „затворање“ од почетокот на пандемијата на Ковид-19, благодарение на масовната кампања за вакцинација на населението.
Во петокот навечер, израелската Влада објави олеснување на ограничувачките мерки што се применуваат од крајот на декември, кога започна нов бран на коронавирусни инфекции.
Утрово, повторно беа отворени продавниците во Ерусалим, кои се сметаат за несуштински.
Од средината на декември, благодарение на договорот со фармацевтскиот гигант „Фајзер“ за споделување на медицински податоци за резултатите од вакцинацијата, Израелците вакцинираа повеќе од 3,4 милиони жители, или скоро 40 проценти од населението. Меѓу нив има повеќе од два милиони Израелци кои примиле втора доза.
Но, и покрај ограничувачките мерки и кампањата за вакцинација, јануари беше најсмртоносниот месец во Израел од почетокот на пандемијата – пријавени се повеќе од 1.000 смртни случаи од Ковид-19.
Според последниот извештај на Министерство за здравство на земјата, од почетокот на епидемијата официјално се регистрирани над 686.000 случаи на коронавирус и 5.074 смртни случаи.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар