Фудбал
6. December 2020 - 19:50

По кратко боледување почина фудбалскиот тренер Никола Поповски

По кратко боледување, денеска во Битола на 63-годишна возраста почина Никола Поповски, познат фудбалски тренер во градот на Конзулите, кој тренираше неколку познати играчи, репрезентативци.

Неколку години беше тренер на младинските категории во Пелистер, од каде излегоа многу познати фудбалери. Низ неговите раце мина и еден од најпознатите – Николче Новески. Во последните години работеше во Едукативниот центар на ФФМ.

Покрај тренер, Поповски беше и професор по физичко образование.

Погребот ќе биде извршен утре на гробиштата во Света Недела во Битола во 11 часот.