Петмина повредени при тепачка меѓу бегалци во Германија
Пет лица се сериозно повредени во масовна тепачка меѓу ирачки јазиди и Чеченци во близина на бегалски камп во североисточниот германски град Билефелд, јави дописникот на МИА од Берлин.
Според германскиот весник „Франкфуртер Алгемајне Цајтинг“, инцидентот се случил во саботата во близина на кампот, кога се судриле две групи од по петнаесетина луѓе вооружени со ножеви и метални шипки. Повредените во тепачката имаат фрактури и повреди на главите.
Веднаш по тепачката што се случила на околу 500 метри од кампот, каде биле сместени припадниците на двете групи, биле уапсени двајца Чеченци кои набрзо се ослободени.
Германската полиција успеала ноќта по инцидентот да спречи уште една тепачка кога група од стотина јазиди насилно влегле во кампот со намера да се пресметаат со Чеченците. По нередите локалните власти одлучиле двете групи да бидат преместени во различни кампови со цел да се избегнат нови инциденти.
Тепачките меѓу различни етнички и верски групи бегалци се честа појава во германските бегалски кампови.
Според новиот закон, што го донесе Федералната владам сторителите на тешки кривични дела во иднина многу полесно ќе можат да бидат депортирани во матичните земји, ако по втор пат сторат кривично дело.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација