Озил одбил трансфер во ПСЖ
Раководството на ПСЖ упатило сензационална понуда за ѕвездата на Арсенал, Месут Озил, информира германското издание „Зидојче Цајтунг“. Поради повредата на Нејмар, која ќе го извади од терените за следните речиси три месеци, ПСЖ одлучија да се пробаат за плејмејкерот на „топџиите“, кој доживува тежок период на „Емирати“.
Томас Тухел го сака Озил на плејмејкерската позиција, зад Единсон Кавани и Килијан Мбапе, но изненадувачки Озил го одбил предлогот да премине на „Парк де Пренс“. Предлогот бил за изнајмување со опција за откупување на 30-годишниот ас.
Против Кардиф во вторникот вечер, Озил уште еднаш не беше на ниво, а вчера Арсенал го привлече Денис Суарез од Барселона, што сугерира за намерите на лондонскиот тим да се раздели со најплатениот играч во селекцијата на Унаи Емери. Самиот тренер загубил верба во играчот, откако често го остава на клупата поради „тактички причини“.
ПСЖ сепак нема да се откаже од обидите и ќе се обиде да оствари договор до крајот на зимскиот преоден рок.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп