Осум земји на еврозоната под лупа на ЕК поради националните буџети
Белгија, Франција, Шпанија, Италија, Финска, Словачка, Словенија и Португалија презентирале национални буџети кои се на раб на непочитување на правилата на еврозоната, предупреди Европската Комисија.
Овие осум земји имаат до идната пролет да ги коригираат нацрт-буџетите и да презентираат ревидирани верзии до Европската Комисија за да избегнат ситуација во која би ги прекршиле начелата на Пактот за стабилност и раст на еврозоната.
Во најкритична состојба се Белгија, Шпанија, Франција и Италија поради стапката на задолженост. Стапката на првите три е некаде под сто отсто од БДП, додека Италија веќе подолго време ја надминува стапката од сто отсто.
Комесарите задолжени за економски и финансиски прашања, Валдис Домбровскис и Пјер Московиси, предупредија дека состојбата е загрижувачка затоа што висока стапка на задолженост го ослабнува капацитетот на државите да се справат со можни макроекономски шокови.
Што се однесува до Италија, Европската Комисија повтори дека земјата треба да се справи со структурните проблеми на својата економија. Од Франција исто така се бараат „поголеми суштински структурни напори“, рекоа комесарите.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово