Османи: Косово и Северна Македонија интензивно се поврзуваат
Заменик претседателот на Владата задолжен за европски прашања, Бујар Османи, заедно со заменик претседателот на Владата на Република Косово, Енвер Хоџај, денеска го посетија местото каде се вршат градежните активности на стратешкиот проект Белановце – Станчиќ, и извршија увид во градежните работи и напредокот на проектот.
– Овој објект е буквално заеднички објект на двете држави, и претставуваше посебен административно изведбен предизвик, имајќи предвид дека за неговата реализација мораше да се усогласуваат правилата на двете држави, истакна Османи.
Додаде дека проектот е финансиран преку ИПА програмата за прекугранична соработка меѓу нашата држава и Република Косово во износ од 1.200.000 евра, чија изведба е усогласена и со правилата и стандардите што ги наложува Европската Унија.
– Токму затоа овој проект, покрај неговата економска и административна намена, има и длабока политичка димензија, укажувајќи на добрите односи и довербата на двата соседи, истакна Османи.
Тој посочи и на останатите проекти што се реализираат во насока на унапредување на меѓусебната комуникација од двете страни на границата.
– Да потсетам дека за овој премин претходно го изградивме патот од село Опае до Белановце во должина од 16 километри. Пред неполни две недели се отвори и автопатот „Арбен Џафери“ од Приштина до границата со нашата држава. Наскоро ќе започне да се гради и делот во Северна Македонија до Скопје, со што главните градови на двете земји ќе бидат оддалечени само 40 километри, додаде Османи.
Ново на Сител
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година