Македонија
24. April 2017 - 14:41

Организиран ручек за децата без родители од општина Кичево

Кичевскиот органок на хуманитарната организација „Класје на добрината“ под покровителство на општина Кичево организираше ручек за децата без родители од општината.

Градоначалникот Фатмир Дехари, кој присуствуваше на ручекот, истакна дека грижата за оваа категорија треба да биде перманентна, а не, како што рече, само во денови како недела за децата без родители.

Денешниот настан беше организиран во рамките на неделата посветена на деца без родители која се спроведуваше во Македонија од 15 до 21 април.

Оваа манифестација ќе биде заокружена со хуманитарен концерт кој вечерва ќе се одржи во Домот на културата во Кичево.