Општина Струмица поднесе барање за намалување на стапката на ДДВ за гасот
За Oпштина Струмица решавањето на проблемот со аерозагадувањето, во кое во најголем дел учествува затоплувањето на домовите со различни енергенси, е преку гасификација и понатамошно проширување на гасоводната мрежа, смета градоначалникот Коста Јаневски.
Меѓу активностите кои се преземаат на овој план, Јаневски го истакнува и доставеното барање до Владата за намалување на стапката на ДДВ за гасот од 18 на пет проценти.
– Ние направивме и акционен план, дадовме конкретни предлози до Владата кои би требало овој енергенс да го направат поефтин за да може нашите граѓани да се приклучуваат. Предложивме данокот на додадена вредност на гасот да се намали од 18 на пет проценти и има расположение тоа да се направи, потоа да се субвенционираат горилници и приклучни елементи и според мене, тоа е реалниот начин на кој треба овој проблем да се решава, како и со проширувањето на мрежата за гасификација, смета градоначалникот на Струмица.
Додава дека Општина Струмица и досега го субвенционира секој приклучок на гасоводната мрежа со 100 евра, а Советот изгласа мерка со која идните инвеститори на згради и домови ако се одлучат да изградат зелени покриви и фасади ќе имаат намалување од осум проценти од комуналните давачки.
Покрај тоа, Јавното претпријатие „Срумица гас“ аплицираше до Светска банка за кредит во висина од околу 26 милиони денари за проширување на гасоводната мрежа во должина од седум километри.
Инаку, досега во Струмица, која е гасифицирана од 2012 година, е изградена гасоводна мрежа во должина од 33 километри.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово