Општина Дебар ќе додели по 300 илјади денари на семејствата на полициските службеници кои загинаа во автобуската несреќа
Советот на Општина Дебар на денешната седница одлучи да им се додели парична помош на семејствата на двајцата полициски службеници, кои со сопругите загинаа во трагичната автобуска несреќа што се случи на 23-ти минатиот месец во Бугарија.
Советниците одлуката ја донесоа по предлог на градоначалникот Хекуран Дука, откако таа помина на соодветната комисија.
Според едногласно донесената одлука на двете семејства ќе им бидат доделени по 300 илјади денари.
– Нека почиваат во мир нашите сограѓани. Нивните роднини, пријатели, колеги нека живеат и нека се сеќаваат на нив. Вечен им спомен, рече претседателот на Советот, Фуат Спахиу.
Во автобуската несреќа што се случи на автопатот „Струма“, во близина на градот Перник во Бугарија, меѓу 45 македонски граѓани животите ги загубија Саде Мустафовски (50) и неговата сопруга Зилија Мустафовска (48) од Дебар и сопружниците Енис Рамановски (41) и Алмира Рамановска (37) од село Долно Косоврасти.
Рамановски беше заменик командир на Полициската станица при ОВР Дебар, каде работел од 2000 година, а Мустафоски полициски службеник, на граничниот премин „Блато“, на македонско-албанската граница кај Дебар, кој во полициските редови бил од 1994 година.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово