Кошарка
27. April 2021 - 11:51

Оклахома повтори негативен клупски рекорд

Кошаркарите на Оклахома сити ноќеска загубија на гостувањето кај Филаделфија со 121:90. За Тандер ова е 14 последователен пораз и повторување на антирекордот во историјата на клубот.

Оклахома загубија 14 натпревари во низа и во сезоната 2008-2009 година.

– Не сум сигурен дека играчите знаат за ова. Ние се бориме и момците сакаат да победат. Никогаш не сум видел рамнодушност кога влегуваат во соблекувалната по поразот, изјави  тренерот на Оклахома, Марк Дејгнолт.

Најдобар во составот на Тандер на натпреварот против Филаделфија беше резервниот поен Тај Џером кој постигна 22 поена.

По 61 одигран натпревар Оклахома има 20 победи и 41 пораз и се наоѓа на 13. место во Западната конференција од НБА-лигата.