ОЈО Струга поведе постапка против четири угостителски објекти за непочитување на здравствените протоколи
Основното јавно обвинителство Струга поведе постапка против четири угостителски објекти кои послужувале гости спротивно на здравствените мерки и протоколи, односно дозволиле на маса да седат повеќе лица кои не се семејство, послужувале гости и во внатрешниот дел и работеле по 22 часот.
Обвинителството бара изрекување казни од по 3.000 евра за четири физички лица – управители и по 5.000 евра за четири правни лица – угостителските објекти.
– Физичките лица, како управители на различни угостителски објекти, не постапиле согласно одлуките на Владата на Република Северна Македонија за спречување и сузбивање на заразната болест предизвикана од КОВИД-19, па во одделни кривично правни настани послужувале гости спротивно на мерките, односно дозволиле на маса да седат четворица иако не се членови на едно семејство, послужувале гости во внатрешен дел од угостителските објекти, како и бидејќи работеле по 22.00 часот, иако било воведено ограничување на работното време, се вели во соопштението од ОЈО.
Со поднесените предлози за издавање казнени налози, обвинителството од Судот за сторителите побара да им биде изречена парична казна и тоа, за обвинетите физички лица – управители во висина од 100 дневни глоби, секоја од нив во вредност од 30 евра во денарска противвредност, а за секое од правните лица – угостителски објекти парична казна во висина од 5 000 евра во денарска противвредност.
Сите се товарат дека го сториле кривичното дело „непостапување според здравствените прописи за време на епидемија“ од член 206 од Кривичниот законик.
Ново на Сител
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје
-
Затруен од наркотици пронајден во бессознание во двор во Кавадарци
-
Затруен од наркотици пронајден во бессознание во двор во Кавадарци
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје