Официјално отворен фестивалот „Егзит“
Фестивалот „Егзит“, кој годинава на Петроварадинската тврдина се одржува по 18-ти пат, синоќа го имаше најспектакуларното отворање досега, со огномет, каков што ретко се гледа.
Свеченото отворање започна во 23 часот со одбележување на 50-годишнината од „Летото на љубовта", како што и гласи слоганот на овогодишното издание на фестивалот.
На 50-минутниот спектакл се обрати и светски познатиот хуманист Ник Вујичиќ и активисти на Стендинг рок.
Вујичиќ порача дека и покрај сите препреки во животот, луѓето мораат да веруваат во себе. Натаму, тој говореше и дека парите и сексот не се се во животот, туку најважни се љубовта и почитта кон оние што ги сакаме.
По инспиративниот говор, посетителите имаа можност да уживаат во 10-минутниот огномет проследен со музички микс.
Половина час по полноќ почна настапот на ѕвездата на вечерта Лиам Галагер - поранешниот фронтмен на „Оејзис" и „Биди Ај", кој важи за еден од најпрепознатливите британски музички ликови. Бројните негови фанови се потсетија на легендарните хитови како „Songbird" и „I'm outta time ".
Какo предгрупа настапија момците од „Обојени програм", а потоа на сцената се појави и шкотскиот алтернативен рок бенд „Џизас енд Мери Каин".
Веќе со години МТС арената привлекува се поголем број посетители со својата исклучиво богата и квалитетна програма која секоја година е се поспектакуларна, па тоа се потврди и со синоќешниот спектакл.
Ново на Сител
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис