Одбојкарите ја чекаат Украина во меч од квалификациите за ЕП
Машката одбојкарска репрезентација на Македонија, која пред два дена ја победи Унгарија на гости со 3-2, и ја оствари првата победа во квалификациите за ЕП, веќе утре ја очекува вториот меч.
Во Скопје во меч од 2.коло на Ф групата гостува селекцијата на Украина, која во првата рунда на домашен терен ја победи Швајцарија со максимално 3-0.
Утрешниот меч меѓу Македонија и Украина ќе се игра во СЦ „Кале“ со почеток од 20 часот5 и 30 минути.
Првиот круг од квалификациите за ЕП 2019 година, црвено-жолтите ќе го заокружат со двомечот против Швајцарија првиот во Скопје на 22-ри, а вториот на гости закажан за 25 август.
Македонските одбојкари последните два натпревара од квалификациите ги играат против Украина на гости на 5 јануари 2019 година и на домашен терен против Унгарија на 9 јануари, следната година.
На Европското првенство ќе се пласираат првопласираните осум селекции од секоја квалификациска група, како и петте најдобри второпласирани.
Првенството ќе се одржи следната година во септември во Франција, Холандија, Белгија и Словенија.
-
Игор Трпески
Сите содржини од овој новинар