Од четврток во Бугарија задолжително носење маски и на отворено
Од четврток во Бугарија ќе биде задолжително носење маски и на отворен простор, со цел подобро справување со епидемијата на коронавирус.
– Очекуваме намалување на инциденцата доколку строго се следат мерките. Во други земји ова веќе се спроведува. Ќе им дадеме можност на бугарските граѓани да набават маски и веруваме дека од четврток маските на отворено ќе бидат задолжителни за сите, изјави денеска бугарскиот министер за здравство Костадин Ангелов.
– Нашата цел е да го намалиме бројот на заразени Бугари за да може помалку од нив да бидат примени во болници, и помалку да умрат, додаде Ангелов, пренесува БГНЕС.
Тој рече дека маските ќе бидат задолжителни најмалку до крајот на ноември.
Бугарскиот министер уште рече дека во Софија ќе биде стациониран Национален логистички центар, кој ќе работи како кол центар, 24 часа, седум дена во неделата.
– Државата ќе биде поделена на шест големи административни области. Овој центар ќе има задача да спроведува ефикасна логистика на сите процеси меѓу сите институции деноноќно, појасни Ангелов.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање