Македонија
8. January 2018 - 8:45

Облачно со слаб јужен ветер

Времето во Македонија ќе биде умерено до значително облачно со слаб јужен ветер, по котлините магливо. Минималната температура ќе се движи од минус три до четири степени, а дневната од шест до 16 степени.

Во Скопје ќе биде сончево со мала до умерена облачност, со слаб јужен ветер и со појава на магла и ниска облачност. Утринската температура ќе се спушти до минус еден, а дневната ќе достигне до девет степени.

До среда ќе се задржи стабилно и суво време со појава на умерена до значителна облачност и претежно со слаб јужен ветер. Дневните температури ќе бидат над просекот за овој период од годината, особено на повисоките места и планините.

По котлините, вклучувајќи ја и Скопската ќе има појава на магла и ниска облачност, така што дневната температура во овие места ќе остане пониска. Од среда попладне во западните и јужните делови се очекуваат повремени локални врнежи од дожд.