Новата српска Влада положи заклетва
Членовите на новата српска Влада на премиерката Ана Брнабиќ синоќа положија свечена заклетва, на церемонија на која присуствуваа претседателот на Србија, Александар Вучиќ и повеќе странски претставници и дипломати.
На церемонијата не присуствуваа поглаварот на Српската православна црква, патијархот Иринеј, како ниту други верски великодостојници, што се оценува како нивни бојкот на новата премиерка, поради нејзината „нетрадиционална сексуална ориентација“.
Церемонијата уследи откако претходно вчера Собранието на Србија со 157 гласови „за“ и 55 „против“ за избра Брнабиќ за нов српски премиер. На гласањето немаше воздржани, а 38 пратеници не присуствуваа на седницата.
Кабинетот на Брнабиќ има 21 министер, односно два ресора повеќе од досегашната Влада и тоа за животна средина и за иновации.
Брнабиќ, во својство на мандатар завчера го изложи експозето пред пратениците, при што порача дека економскиот развој, дигитализацијата и образованието ќе бидат клучни приоритети на новата влада. Таа најави и дека Србија ќе продолжи да соработува со НАТО во рамки на програмата Партнерство за мир и дека ќе води политика на одржување на најдобри можни односи со Русија и со ЕУ.
Инаку, првата седница на новата српска Влада е закажана за утрово во 7.30 часот.
Ново на Сител
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите