Здравје
5. December 2018 - 20:07

Нов тест за откривање рак за само неколку минути

Научниците развиле универзален тест за рак, кој може да открие заболување преку крвотокот на пациентот, пишува британски Гардијан.

Станува збор за лесно достапен тест (замислено е да не биде скап), кој потенцијалното заболување го открива преку течност која ја менува бојата во присуство на малигни клетки, кои можат да се наоѓаат било каде во телото, и за помалку од десет минути.

Овој тест се уште е во фаза на развој, но како што наведува Гардијан, претставува радикална промена во пристапот кон откривање на рак, кој процесот на утврдување на заболувањето од рак може да го направи едноставна постапка за лекарите.

„Главната предност на оваа техника е во тоа што е евтина и многу лесена за употреба, така што клиниките можат лесно да ја применат во пракса”, вели Лаура Каракоса, истражувач на Универзитетот во Квинсленд.

Тестот има ниво на реакција од 90 проценти, што значи дека открива 90 од 100 случаи на рак, со 10 проценти лажно позитивни.

Истражувачите од Квинсленд откриле дека ДНК со рак и „нормалната” ДНК, поинаку се задржуваат на метални површини. Ова им овозможило да развијат тест кој ќе ги разликува здрави од клетките на ракот, дури и врз основа на мали примероци на ДНК кои се наоѓаат во крвотокот.

Овој универзален тест не може да ја одреди локацијата и големината на туморот, но на лекарите ќе им даде брз одговор на прашањето дали пациентот има рак.

„Тестот би можел да се користи во комбинација со други тестови и да стане алатка за воспоставување на дијагноза, која би можела да упати и на типот на рак и фазата во која се наоѓа”, вели Каракоса.

„Неопходни се понатамошни клинички испитувања за да се утврди целиот потенцијал на овој метод”, вели е Гед Брејди од Институтот за истражување на рак од Манчестер.