Нормализиран железничкиот сообраќај Велес - Битола
Железничкиот сообраќај на релација Велес-Битола, кој поради сообраќајна несреќа беше во прекин од утрово, е нормализиран, информираат од Железничката станица во Велес.
Возот на релација Скопје-Битола преку Велес веќе е на пат кон Битола и ја поминал Железничката станица кај Чашка. Поради сообраќајната несреќа наместо во 10,20 во Битола возот ќе пристигне околу 14 часот.
Железничката несреќа во која автомобилот удрил во возот се случи утрово во 7,50 на премин кај „Порцеланка“ кој последниве години е обезбеден со светлосни трепкави светла.
Во несреќата тројцата патници во возилото поминале без повреди, а оштетен е само предниот дел од возилото, информираат од Железничката станица во Велес.
Овој железнички премин порано беше обезбеден со чуварска служба на ЈП Македонски железници. Местото е многу непрегледно и често се случуваат сообраќајни несреќи и со жртви, а поради што возачите бараат поголемо обезбедување.
Освен стучна екипа на ЈП Македонски Железници увид во местото на несреќата направи и екипа на СВР Велес.
Ново на Сител
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи
-
Американскиот Сенат одобри 95 милијарди долари помош за Украина, Израел и Тајван
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан