Сцена од скопските улици денеска го привлече вниманието на социјалните мрежи. На снимката забележана кај мостот каде што Лепенец се влева во Вардар, жена со луксузно Порше го запира возилото среде улица, излегува од автомобилот и ја истура кесата со ѓубре директно во реката. Пред да влезе назад во автомобилот, таа забележува дека е снимана од друго возило, па со насмевка и мавта на камерата и довикува „Чао“. Снимката брзо се рашири на интернет и покрена бран дискусии за односот на граѓаните кон природата.