Струмичката полиција откри нелегална плантажа за производство на канабис, запленети се околу 680 килограми од оваа дрога, а две лица се лишени од слобода. Според полициските информации, осомничените по претходен меѓусебен договор ја обработиле почвата во сокриен дел од парцела на местото викано ,,Матник,, во атарот на струмичкото село Секирник, каде што засадиле и одгледувале стебла од растението канабис.