Од 1 мај ќе биде воспоставена директна авиолинија меѓу Тиват и Скопје, која во почетната фаза ќе сообраќа двапати неделно. Новата авионска врска треба да го олесни патувањето меѓу двете земји, но и да придонесе за развој на туризмот и економската соработка.
Вицепремиерот и министер за транспорт, Александар Николоски, очекува линијата да привлече поголем број патници и да отвори нови можности за бизнис и туристичка размена.
