Со претставата „Последните Македонци“ на режисерот Сашо Миленковски, синоќа започна театарскиот фестивал „Мостови“, кој во следните три дена ќе се одржува пред Домот на културата во Кратово. Домаќинот и организатор на манифестацијата, здружението „Коринтон“,  одлучи да понуди четири различни драмски претстави кои треба да ги задоволат и најпребирливите вкусови на кратовската публика.

Вечерва на сцената ќе се појават актерите од велешкиот театар во претставата „Спанаќ со пржени компири“, а во четврток и петок кратовци ќе уживаат во претставите „Столови“  и „Стјуардеси“.