Во присуство на повеќе од 200 светски поети, со традиционалното читање на Константиновата „Т’га за југ“, на 26 август свечено ќе бидат отворени Струшките вечери на поезијата. Најстара светска поетска манифестација, која веќе 54 години го обединува творештвото на сите јазици и ги промовира културните вредности на Македонија. Покрај овогодинешниот лауреат кинескиот поет Беи Дао, дел од Струшките вечери ќе бидат и поетите Адонис, Паола Бозалонго, Михаил Агустин и Марио Болорез. Главен фокус годинава ќе биде мексиканската поезија.