Бит-пазар за една година ќе добие современ изглед, кој ќе овозможи подобри услови за работа и место за повеќе тезги. Гужвата со паркираните автомобили ќе се решава со монтажниот паркинг кој ќе се наоѓа над пазарот, а ќе биде со капацитет од 240 возила.
Новиот објект ќе се простира на површина од 10.000 метри квадратни.
Од здружението на пазарџии се задоволни од одлуката за спроведување на проектот за надградба на пазарот, со кој би се отстраниле тешките и нехигиенски услови за работа.
