Политички потег со многу чувство за државност. Вака политичките експерти го коментираат потписот на премиерот Никола Груевски на договорот за крај на политичката криза во Македонија. Според нив, решението на кризата ќе овозможи порелаксирана атмосфера во која Владата ќе може да ги реализира ветувањата од предизборната програма.

Јосифовиќ потенцира дека договорот дава јасен сигнал дека Македонија останува стратешки определена кон НАТО и Европската Унија и тоа треба да биде силен сигнал за официјален Брисел.