За една година издадени се над 108 илјади бесплатни билети за воз преку мерката на владата наменета за старите лица, учениците и студендите.
Владата од јули 2014 воведе бесплатен железнички превоз за постарите секој втор викенд во месецот, а за младите до 27 години секој трет викенд, како и слободен четврток за студентите.
При тоа над 24 илјади билети биле издадени на стари лица, а над 84 илјади на млади лица и студенти.
Во истиот период владата покрила и 50 проценти од трошоците за дополнителни 70 илјади билети за учениците и студентите.