Дечињата од Горно Лисиче следната година ќе добијат нова детска градинка. Општина Аеродром и министерството за труд и социјална политика го стартуваат заедничкиот проект за изградба на нов објект кој ќе има капацитет за згрижување на 100 деца. Објектот ќе содржи две занимални, простор за прием, кујна, санитарни јазли и административен простор.
Овој проект е доказ за одличната соработка меѓу општината и министерството и треба да биде поттик и за останатите локални самоуправи.