Во наколната населба во Дојран е откриен најстариот меч во Македонија, стар околу 3.500 години.

Станува збор за микенски меч од бронзеното време, кој е најзначајниот наод од годинашните археолошки истражувања на локалитетот Мрдаја.

Откритието дава нови сознанија за контактите на тогашните жители со микенскиот културен простор, но и за можните воени судири во регионот.

Годинава, за првпат, археолозите дошле и до куќата на металургот во населбата.

Наодите даваат многу појасна слика и подетален увид во процесите на обработка и топење на металите.