Министерот за внатрешни работи, Панче Тошковски денеска се обрати на почетната сесија од евалуациската посета на Извршната дирекција на Комитетот за борба против тероризмот при Советот за безбедност на Обединетите нации (CTED), која од денеска до 6 ноември се одржува во Скопје. Делегацијата на Обединетите нации ја предводи заменик директорката на CTED, Кармен Кантор.