Заврши електронското пријавување за упис во средните училишта. Првиот јунски уписен рок се заокружува со околу 15.000 деветтоодделенци кои електронски поднеле апликација за да го продолжат своето образование во некое од средните училишта. 

Денеска учениците ја поднесуваат и потребната документација во хартиена форма. Комисиите до доцна вечерва ќе вршат проверка дали податоците кои учениците дигитално ги внесуваат во системот, се поклопуваат со оние во хартиените свидетелства, за веќе утре да има официјални информации за примени ученици во сите училишта во Македонија.