Од 1-ви мај догодина директна авиолинија Скопје-Тиват. Ќе сообраќа двапати неделно.

Се разгледува и можноста за нови линии од Скопје до Подгорица и од Тиват до Охрид. Ова го најави заменик претседателот на Владата, Николоски, по денешната билатерална средба со неговиот колега од Црна Гора, Филип Ивановиќ.

Двајцата очекуваат полесното поврзување да донесе повеќе туристи, но и да ја раздвижи економската соработка.

Паралелно, изградбата на автопатот Скопје – Блаце ќе овозможи побрз пристап до пристаништето Бар.