Израелските одбранбени сили (ИДФ) денеска ги предупредија жителите на 29 села и градови во јужен Либан да се евакуираат пред воздушните напади врз либанската милитантна група Хезболах.

На жителите на 16 градови им беше наложено да се евакуираат најмалку еден километар од своите домови, додека на оние од 13 други градови им беше наредено да се упатат северно од реката Захрани, објави „Тајмс оф Израел“.