Најстудено во Берово минус четири степени
Најниска температура утрово од минус четири степени е измерена во Берово, соопшти Управата за Хидрометеоролошки работи.
Минус два степени се измерени во Скопје-Петровец, Битола, Лазарополе и Струмица, минус еден во Куманово, Тетово, Крива Паланка, Маврово и Демир Капија, нула во Прилеп, Штип, Дебар и Гевгелија, еден степен во Скопје, два во Охрид, Крушево, Претор и Тополчани, три во Виница, четири во Пожаране и Ѓуриште, до пет во Дојран.
Магла по котлините утрово има во Скопје, Штип, Демир Капија, Струмица, Куманово и Битолско. Понекаде има мала до умерена претежно висока облачност. Понекаде дува и слаб променлив ветер.
Во текот на денот времето ќе биде сончево со мала до умерена локална облачност. Преку денот ќе дува слаб до умерен југоисточен ветер, поизразен долж Повардарието. Температурата во интервал од 11 до 16 степени.
Во Скопје претпладне ќе има магла, а од средината на денот ќе биде сончево со мала до умерена облачност и со слаб до умерен југоисточен ветер. Температурата ќе се движи до 12 степени.
Од УХМР информираат дека утре претпладне по котлините ќе има појава на магла, во попладневните часови во западните делови од државата ќе има врнежи од дожд. Во текот на ноќта кон понеделник врнежите ќе се прошират насекаде, на планините паѓа снег и ќе започне да дува засилен северен ветер. Преку денот ќе биде студено и ветровито, а врнежи од снег се очекуваат и на некои повисоки места, особено во западните делови. До понеделник наутро минималната температура ќе е во постепен пораст, а потоа умерено ќе опадне.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас